जेठ २५, निजगढ।जिल्ला प्रहरी कार्यालय बाराले भारतबाट भन्सार छली अवैध रूपमा नेपाल भित्र्याउँदै गरेको धानको बीउ र एक थान मोटरसाइकल नियन्त्रणमा लिएको छ।
प्रहरीका अनुसार आज बिहान ०८:१५ बजेको समयमा प्रहरी चौकी मटिअर्वा बाराबाट प्रहरी नायब निरीक्षक राकेश साहको कमाण्डमा खटिएको गस्ती टोलीले उक्त सामग्री बरामद गरेको हो।
कलैया उपमहानगरपालिका वडा नं. १० स्थित मटिअर्वा भण्डारी चोकमा जाँच गर्ने क्रममा भारतबाट भन्सार छली चोरी पैठारी गरी अवैध रूपमा नेपालतर्फ ल्याउँदै गरेको अवस्थामा उक्त सामान फेला परेको हो।
६ बोरा धानको बीउ, नम्बर प्लेट नभएको १ थान मोटरसाइकलसहित अनुमानित मूल्य ८१ हजार २ सय रुपैयाँ बराबरको सामान जफत गरिएको जिल्ला प्रहरी कार्यालय बाराका सूचना अधिकारी एवं प्रहरी नायब उपरीक्षक मिनबहादुर घलेले जानकारी दिए।
प्रतिक्रिया
सम्बन्धित खवर
